పాదయాత్రలు చేస్తే తెలంగాణ ప్రజలు దంచి కొడతారు : హరీశ్​ రావు

మట్టి పనుల్లో రూ.25 వేల కోట్లు కోత పెట్టిన కేంద్ర ప్రభుత్వాన్ని కేంద్ర మంత్రి కిషన్ రెడ్డి నిలదీయాలని మంత్రి హరీశ్​ రావు డిమాండ్​ చేశారు. తెలంగాణకు ఈజీఎస్​ కింద కూలీలకు 3 వేల కోట్ల పనిదినాలను తగ్గించడంపై కేంద్రాన్ని ప్రశ్నించాలని అన్నారు. కూలీలపై ప్రేమ ఉంటే తెలంగాణ ప్రభుత్వం ప్రతిపాదించినట్టు రాష్ట్రంలో పనిదినాలను 13 వేల కోట్ల నుంచి 16 వేల కోట్లకు పెంచేలా చూడాలని అన్నారు. నంగునూరు మండలం నర్మేట గ్రామంలో ఈజీఎస్​, సీఎస్​ఆర్​ నిధులు 2 కోట్ల రూపాయలతో నిర్మించిన పాడి పశువుల హాస్టల్, పాల సేకరణ కేంద్రాన్ని మంత్రి ప్రారంభించారు.

అన్ని వర్గాల ప్రజల నోట్లో మట్టి కొట్టి… సిగ్గు లేకుండా పాద యాత్రలు చేస్తారా అని బీజీపీ రాష్ట్ర అధ్యక్షుడు బండి సంజయ్​ని హరీశ్​ రావు నిలదీశారు. ‘ఎస్సీ, ఎస్టీ, మైనార్టీల రిజర్వేషన్​లు పెంచకుండా తొక్కి పెట్టినందుకా? వడ్ల కొననందుకా? పెట్రోల్, డీజిల్ ధరలు పెంచి నందుకా, వంట గ్యాస్ ధర మంట పెట్టినందుకా, నిరుద్యోగులకు జాబ్​లు ఇవ్వనందుకా, ఎరువుల ధరలు విపరీతంగా పెంచినందుకా… ఎందుకు పాదయాత్ర చేస్తున్నారో.. ముందు స్పష్టత ఇచ్చాకే పాదయాత్ర చేపట్టాలి’ అని హరీశ్​ రావు అన్నారు.

అలా కాకుండా పాదయాత్రలు చేస్తే తెలంగాణ ప్రజలు దంచి కొడతారని హెచ్చరించారు. ప్రజల ఆకాంక్షల నుంచి, వారి ఆశయ సాధన కోసం పుట్టిన పార్టీ టీఆర్​ఎస్​ అని స్పష్టం చేశారు. బొందిలో ప్రాణం ఉన్నంత వరకు కేసీఆర్ సారథ్యంలో రాష్ట్ర అభివృద్ధికి పునరంకితం అవుతామని అన్నారు. పెంచేటోడు బీజేపీ వాడైతే… పంచేవారు టీఆర్​ఎస్​ అని స్పష్టం చేశారు. ఎవ్వరూ కావాలో… ప్రజలే తేల్చుకోవాలని అన్నారు. ఈ అంశాలపై గ్రామాల్లో అన్ని వర్గాల ప్రజలు విస్తృతంగా చర్చించాలని సూచించారు. సమైక్య రాష్ట్రంలో ఏకాలం చూసిన ఎండా కాలమే అని…. స్వరాష్ట్రంలో ఏకాలం చూసిన వానాకాలం లాగే ఉందని చెప్పారు.

Leave a Reply

Your email address will not be published.